NAKUMPLETO ng Far Eastern University-Diliman, Ateneo at Adamson University ang Final Four matapos magwagi sa krusyal na mga laro nitong Linggo sa UAAP juniors basketball tournament sa Filoil Flying V Centre.
Hataw si RR Tolentino sa naiskor na 20 punbtos at pitong rebounds, habang kumana si Xyrus Torres ng 15 marker sa panalo ng Baby Tamaraws sa UP Integrated School, 87-65.
Ginapi ng Ateneo, sa pangunguna ni Kai Sotto na tumipa ng 33 puntos, 11 rebounds at limang assists, ang University of Santo Tomas, 87-78, para buhayin ang kampanya na back-to-back championship.
Nakahirit naman ang Baby Falcons, sinandigan si Adam Dorian a may 27 puntos, laban sa De La Salle-Zobel, 94-77.
