SINANDIGAN ni rookie Manu Mariano ang gahiblang panalo ng Ateneo kontra De La Salle-Zobel, 1-0, sa pagsisimula ng UAAP Season 81 juniors football tournament nitong Linggo sa Rizal Memorial Stadium.

Naisalpak ni Mariano ang goal may apat na minuto ang nagdaan sa laro na nagsilbing winning goal para sa unang panalo ng Blue Eaglets sa opening day sa nakalipas na dalawang season.

Walang naipanalo ang Ateneo at kumana lang ng isang draw sa nakalipas na season.

Nanaig ang National University sa University of Santo Tomas, 1-0. Nakakuha naman ng bye ang right-time champion Far Eastern University-Diliman.

Goodbye PBA? John Amores, tinanggalan na ng professional license!

Sisimulan ng Baby Tamaraws, minus ace striker Gio Pabualan na graduate na sa high school, ang kampanya ng FEU sa Linggo kontra Bullpups ganap na 2:00 ng hapon. Magtutuos naman ang Eaglets kontra Tiger Cubs sa ikalawang area ng torneo ganap na 4:00 ng hapon.