NANINDIGAN ang Public Relations Society of the Philippines (PRSP), nangungunang samahan para sa communication at PR professionals, na walang puwang sa industriya ang patuloy na pagkalat at pagtangkilik sa ‘fake news’ na siyang tampok na isyu na nais masawata sa pagdiriwang ng National PR Month ngayong Setyembre.
May temang “One for Truth,” nanawagan ang organisasyon ng pagkakaisa para masawata ang ‘fake news’ at isulong ang makatotohanang pagbabalita at pagpapahayag.
Ipinagdiriwang ng PRSP ang ika-61 taon ng pagkakatatag at nakalipas na anim na dekada patuloy itong sumusulong sa panuntunan na “conducting all activities in full accordance with the accepted standards of trust, objectivity, accuracy and good taste.”
Ikinababahala ng organisasyon ang masamang idinudulot nang maling impormasyon sa kamalayan at kaisipan ng mamamayan, higit yaong mga kabataan na expose sa social media.
'Magkagalit sila?' Dennis, Ruru 'di raw nagpansinan sa set ng 'Green Bones'
“The new media has empowered democracies all over the world through its amplification of free speech. Unfortunately, some are abusing this communication innovation for interests that benefit them solely. The rise of propaganda machinations online such as trolls and liepeddlers is tearing societal fabric as we know it. This makes it even more crucial for communicators such as PR professionals to continue championing authenticity and accuracy. We must try to make truth everybody’s business,” pahayag ni PRSP President Ritzi Villarico-Ronquillo, APR.
Nakalinya sa programa ng PRSP ngayong 2018 National PR Month ang pagpapalaganap nang tamang impormasyon upang masawata ang pagkalat na ‘fake news’.
Sisimulan ito sa gaganaping General Membership Meeting sa September 6 na may temang “Humanizing Communication: The Role of PR in Building Real Connections in Today’s Virtual World.”
Magbibigay ng kanyang pananaw sa isyu si Marc Ha, managing director APAC Client Strategy of Text100, isang global marketing communications firm.
Nakatakda naman ang PR Congress sa September 27-28 kung saan inaasahan ang preensya nang mga premyadong public relations and communication practitioners tulad nina Global Alliance of Public Relations and Communication Management Chairperson José Manuel Velasco; Institute of Corporate Directors CEO Dr. Alfredo Pascual at Supreme Court Senior Associate Justice Antonio Carpio upang maipahayag ang iba’t ibang usapin na nakakaapekto sa PR industry.
Ang 25th Congress ay may temang “Truth or Trolls: PR in the Age of Disinformation.” Kabilang sa isyu ng usapin ang ethics at governance sa PR, gayundin ang paglaban sa fake news, bashers, metrics para sa PR at iba pang na sumisira sa imahe ng PR.
“The National PR Congress is not only an avenue for sharing innovative and effective communication practices but also a space for spurring conversation about matters that concern the industry and the nation as a whole. The Congress will reevaluate the role of PR in building trust and communicating the truth in today’s society,” pahayag ni National PR Congress Chair Cherie Mijares, APR.
