Ni Francis T. Wakefield
Inihayag ng militar na 217 sa 683 dating miyembro ng New People’s Army (NPA) na iprinisinta nitong Disyembre 21, 2017 sa Armed Forces of the Philippines-Eastern Mindanao Command (AFP-EastMinCom), ang nasa Manila para sa dinner date sa Malacañang, kasama si Pangulong Duterte, ngayong Miyerkules ng gabi.
Sinabi ni Maj. Ezra Balagtey, tagapagsalita ng Armed Forces of the Philippines-Eastern Mindanao Command (AFP-EastMinCom), na ang unang batch ng mga rebelde na sumuko na sa batas ay naipadala na sa Tactical Operations Group XI sa Sasa, Panacan, Davao City bandang 9:00 umaga kahapon.
Sa isang pahayag, binanggit ni Balegtey na layunin ng naturang hapunan, na gaganapin bandang 5:00 ng gabi, na hikayatin ang mga dating rebelde na maging aktibong bahagi ng nation-building at peace-building.
Bago ang hapunan, ang mga sumukong rebelde ay hahandugan ng welcome ceremony sa Tejeros Hall sa Camp Aguinaldo, ganap na 8:00 ng umaga ngayong araw, na pangungunahan ni Armed Forces of the Philippines (AFP) Chief of Staff General Rey Leonardo Guerrero.
‘Premium subscription,’ tinetesting na sa isang social media platform; stalkers, mas mababantayan na!
Paaanyayahan din ang mga dating reeled ng educational tour sa Intramuros at Malacañang sa Manila, at iba pang makasaysayang lugar upang buhayin ang kanilang pagiging makabayan.
