Kumuha ng P15-M 'shabu' package huli

By Balita Online

July 20, 2017

In BALITA

Ni FER TABOY

Pinosasan ang apat na katao, na sinasabing kasapi ng international drug syndicate, sa Ninoy Aquino International Airport (NAIA) makaraang kunin ang umano’y package ng dalawang kilong shabu na nagkakahalaga ng P15 milyon kamakalawa.

Ayon sa Ninoy Aquino International Airport-Inter-Agency Interdiction Task Group (NAIA-IAITG), nakatanggap sila ng intelligence report na may darating na ilegal na droga mula sa Mexico.

Dumating ang nasabing kontrabando noong Hulyo 9, nakasilid sa 24 na pvc pipe na nakapaloob sa adhesive sealant tubes at nakapangalan sa isang James Corpuz, na taga-Quezon City, at may label na construction materials.

Pasado 3:00 ng hapon nitong Miyerkules, kinuha nina Alnar Pundato Sultan, Jamal Tantao, Casan Rangaig at Inairah Pundato ang padalang kontrabando at sila ay inaresto.

Sinabi ni Sultan na napag-utusan lamang silang kunin ang padala at ito ay naghihintay sa labas ng paliparan.

Nakatakdang sampahan ng kaukulang kaso ang mga suspek.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...