Kulungan ang binagsakan ng tatlong magkakapitbahay, kabilang ang isang senior citizen, makaraang arestuhin ng mga pulis sa pagsusugal ng tong-its sa Muntinlupa City, nitong Biyernes.
Ang mga inaresto ay kinilalang sina Federico Celles y Tupaz, 65, messenger, biyudo, ng Southville 3, Barangay Poblacion; Gina Milo y Villamor, 42, dalaga, ng Phase 4; at Jocelyn Asuncion y Micaller, 53, may asawa, ng Phase 4 ng nabanggit na barangay.
Sa ulat ng Muntinlupa City Police, dakong 11:35 ng umaga at nagpapatrulya ang mga tauhan ng Police Community Precinct (PCP)-6 nang mamataan nila ang tatlong suspek na nagsusugal sa bahay ni Celles.
Agad na dinakip ng awtoridad ang tatlo at nakumpiska ang ginamit na baraha at P114.50 na pusta.
UP, top university pa rin sa Pinas; Iba pang paaralan sa bansa, pasok sa Asian ranking!
Kakasuhan ang mga magkakapitbahay ng paglabag sa Anti-Illegal Gambling Law (PD 1602). (Bella Gamotea)
