SKOPJE, Macedonia (AP) — Imbes na kampeonato ang pasalubong, uuwing bangkay ang dating collegiate star na si Cameron Moore.

Pumanaw ang 25-anyos na si Moore nitong Miyerkules (Huwebes sa Manila) bunsod ng atake sa puso wala pang isang oras sa kanyang pagsasanay sa koponan ng AV Ohrid.

Ayon kay Ivo Markoski, legal representative ng Ohrid, galing sa Venice, Italy si Moore at ilang oras pa lamang naglalagi sa Ohrid nang maganap ang insidente.

"This is a tragedy. We had no time even to meet him properly," sambit ni Markoski.

Another gold! Hidilyn Diaz, isa nang guro sa UP Diliman

"He was in Ohrid for only 24 hours. We let him rest after arrival and the tragedy occurred on the very first day of training."

Ayon kay Markoski, lumagda ng preliminary deal si Moore sa Ohrid team at sisimulan pa lamang ang medical test bago makumpleto ang kanyang kontrata.

Naglaro si Moore ng high school sa San Antonio, Texas, bago sumabak sa University of Alabama-Birmingham kung saan nakalista siya bilang ikalawa sa kasaysayan ng eskwelahan sa double-doubles (28), blocked shots (137), at ikaapat sa rebound (747).

"The UAB family mourns the loss of an outstanding human being whose life was taken away too soon," pahayag ni UAB Men's Basketball Head Coach Robert Ehsan.

"Cameron Moore was one of the first student-athletes I met when I arrived in Birmingham in 2012, and I could immediately sense his passion for Birmingham and UAB Basketball. He played an integral part in the success of so many great Blazer teams, and I know his legacy will live on through everyone associated with UAB."

Si Moore ay isa sa tatlong player sa Alabama na nakapagtala ng record 1,000 puntos at 700 rebound.