NBA: Green, pinagmulta; nakalusot sa suspensiyon-Balita

NEW YORK (AP) — Pinatawan ng multang US$25,000 si Draymond Green, ngunit nakalusot ang All-Star forward ng Golden State Warriors sa suspensiyon.

Matapos ang ginawang review ng NBA nitong Lunes (Martes sa Manila), itinaas lamang ang naunang tawag ng referee na flagrant 1 sa flagrant 2 laban kay Green nang masipa niya sa kaselanan si Oklahoma City Thunder center Steven Adams sa second period ng Game Three.

Bunsod nito, nalagay sa “watch list” si Green at isa pang kahalintulad na paglabag ay awtomatikong magbibigay ng suspensiyon sa premyadong forward ng Warriors.

Target ng Warriors na maitabla ang Western Conference best-of-seven finals sa paglarga ng Game Four sa Martes (Miyerkules sa Manila), sa Oklahoma City.

Pinatawan si Green ng flagrant 1 foul nang kanyang masipa sa kaselanan si Adams matapos siyang ma-foul ng Kiwi center, may 5:57 ang nalalabi sa second period.

Iginiit ng Thunder na sadya ang insidente, ngunit mariin itong itinanggi nina Green at Warriors coach Steve Kerr.

Hiniling pa nga ni Kerr na ibasura ang flagrant 1 foul na ipinataw sa kanyang player.

Ngunit, hindi kumbinsido rito si NBA executive vice president of basketball operations Kiki VanDeWeghe.

“After a thorough investigation that included review of all available video angles and interviews with the players involved and the officials working the game, we have determined that Green’s foul was unnecessary and excessive and warranted the upgrade and fine,” pahayag ni VanDeWeghe sa inilabas na opisyal na pahayag ng liga.

“During a game, players — at times — flail their legs in an attempt to draw a foul, but Green’s actions in this case warranted an additional penalty,” aniya.

Batay sa regulasyon ng NBA, ang ipinapataw ang flagrant 1 foul sa “unnecessary contact”, samantalang ang flagrant 2 ay para sa “unnecessary and excessive contact.”

Nakatanggap na si Green ng tatlong flagrant 2 foul sa postseason.

Kung mapapatawan pang muli, suspendido siya ng isang laro sa playoff.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...