Inaabisuhan ng Department of Foreign Affairs (DFA) ang publiko na nagbukas ang gobyerno ng Ecuador ng international fund na Terremoto Ecuador o Earthquake Ecuador para sa mga pribadong indibiduwal, kumpanya, non-governmental organization, at humanitarian organization na interesadong magbigay ng tulong pinansiyal sa mga biktima ng magnitude 7.8 na lindol na tumama sa Ecuador nitong Abril 16.
Umabot na sa mahigit 650 katao ang nasawi sa Ecuador at maraming komunidad ang nananatiling walang pagkain, transportasyon, at supply ng tubig at kuryente.
Tinaya rin sa $2 billion-$3 billion ang pinsalang dulot ng lindol sa imprastruktura at kabuhayan.
Ipinababatid ng Ecuadorian Permanent Mission in Geneva sa mundo na higit na kailangan ng gobyernong Ecuadorian ang tulong pinansiyal at buong puso itong tatanggapin sa Terromoto Ecuador:
4.5-magnitude na lindol, yumanig sa Surigao del Norte
Name of Bank: Citibank, N.A.
Swift Code: CITIUS33
ABA: 021000089
Account Number NY: 36360112
Name of Account: Terremoto Ecuador/Earthquake Ecuador
Zip Code: 10043
Tel No.: 001-813-604-7062
Address ng Citibank, N.A.: 111 Wall Street, New York, NY 10043
Patuloy naman ang monitoring ng Embahada ng Pilipinas sa Santiago tungkol sa kalagayan ng mga overseas Filipino worker (OFW) sa mga apektadong lugar.
Habang isinusulat ang balitang ito, walang napaulat na Pilipino na nasaktan o nasawi sa lindol. (Bella Gamotea)
