Signature campaign vs Boracay casino, pinaplano

By Balita Online

March 09, 2016

In BALITA Probinsya

BORACAY ISLAND - Nagpahayag ng pagtutol ang pamunuan ng Simbahang Katoliko sa isla ng Boracay, Malay, Aklan, kaugnay ng planong operasyon ng casino.

Ayon kay Fr. Cesar Echegaray, ng Holy Rosary Parish, nakatanggap sila ng impormasyon na inaprubahan na umano ng lokal na pamahalaan ng Malay ang operasyon ng junket casino sa ilang resort sa Boracay.

Ang junket casino ay nagbibigay ng legalidad sa mga banyagang turista na maglaro ng casino sa mga hotel, bagamat mahigpit namang ipinagbabawal sa mga Pilipino.

Sinabi ni Echegaray na pinaplano nilang maglunsad ng signature campaign sa mga taga-Boracay para maharang ang pinaplanong casino.

Hindi naman nagbigay ng pahayag ang lokal na pamahalaan hinggil sa nasabing petisyon. (Jun N. Aguirre)

Magpinsang paslit nagkayayaang maligo sa lawa, nalunod

Patay ang isang magpinsang paslit nang malunod matapos na magkayayaang maglaro sa lawa sa Binangonan, Rizal nitong Miyerkules.Ang mga biktima ay kinilala lamang na sina alyas 'Reanna,' 11, special child, at alyas 'Miracle,' 6, kapwa ng Brgy. Ginoong Sanay, sa Binangonan.Batay sa ulat ng Binangonan Municipal Police Station, nabatid na dakong alas-3:50 ng hapon nang maganap ang...

‘Immortal love?’ Enrile at misis nagdiwang ng 67th wedding anniversary

Binati ni Katrina Ponce Enrile ang kaniyang mga magulang na sina Presidential Legal Counsel Juan Ponce Enrile at dating ambassador Cristina Enrile na nagdiwang ng kanilang 67th wedding anniversary.Sa isang Facebook reel ni Katrina noong Miyerkules, Setyembre 18, 2024, ibinahagi niya ang sweet moments ng kaniyang mga magulang na may nakalagay na “happy anniversary.”FacebookMababasa rin sa...

Pusa hinagis sa dagat para sa content; dalawang menor de edad, timbog

Matapos mag-viral at umani ng mga negatibong reaksiyon ang video ng isang pusang inihagis sa dagat, tuluyang nasakote ng pulisya ang dalawang menor de edad na siyang nasa likod ng nasabing video.Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content ay inasistahan din ng isa...