Walong kabataang babae na ginagamit sa prostitusyon ang nailigtas ng mga tauhan ng National Bureau of Investigation (NBI) habang dalawang bugaw ang inaresto sa operasyon kahapon ng madaling-araw, sa Quezon City.
Sa pamumuno ng NBI Anti-Human Trafficking Division, una silang naglunsad ng entrapment operation sa bahagi ng Scout Reyes at Gandia Streets.
Napag-alaman na ibinibenta ng dalawang bugaw ng P1,500 ang mga menor-de-edad sa makukuha nilang kostumer.
“Iyung modus nila tumatambay sa establishment, sa kainan o inuman tapos inaalok nila kung gusto mo mag-good time,” ayon kay NBIAHTD Executive Officer Atty. Basset Sarif.
Aniya, dalawang linggong isinailalim sa surveillance operation ang sex den bago sumalakay ang NBI.
Metro
