Nagpatupad kahapon ng big-time rollback sa presyo ng liquefied petroleum gas (LPG) ang Pilipinas Shell at Petron.

Epektibo dakong 12:01 ng madaling araw kahapon nang nagtapyas ang Solane ng P6.72 sa kada kilo, katumbas ng P73.92 na bawas sa bawat 11-kilo na tangke ng LPG.

Sa parehong oras, nagbaba naman ng P7 sa kada kilo ng Gasul at Fiesta Gas o P77 na kaltas sa regular na tangke ng cooking gas.

Bukod sa presyo ng LPG, kinaltasan din ng Petron ng P3.91 ang Xtend Auto-LPG nito.

Inaasahan ang pagsunod ng ibang kumpanya sa ipinatupad na price rollback sa LPG kahit wala pang inilabas na abiso ang mga ito.

Ang bagong bawas-presyo sa cooking gas ay bunsod ng pagbaba ng presyo ng LPG sa pandaigdigang merkado.