Umabot na sa hindi bababa sa 472 katao ang nasawi at mahigit 1,500 ang nawawala matapos ang malalaking flash flood sa border area ng China at Nepal, ayon sa mga awtoridad nitong Biyernes, Agosto 28.
Ayon sa awtoridad, 3,253 katao na ang nailigtas gamit ang mga helicopter. Mahigit 150 sugatan naman ang dinala sa mga ospital sa Kathmandu at sa mga distrito ng Rasuwa, Nuwakot at Dhading.
Batay sa mga lokal na ulat na kumutisa sa National Emergency Operation Center, kabilang sa mga nawawala ang 113 Nepali tourist, 85 tauhan ng hukbo at pulisya, 161 residente ng Rasuwa at isang residente ng Nuwakot.
Sa China, iniulat ng state media na hindi bababa sa tatlo ang nasawi at 558 ang nawawala sa Gyirong County sa Tibet. Ayon sa Chinese state broadcaster na CCTV, 260 sa mga nawawala ay mga dayuhan. Sinabi rin ng Chinese foreign ministry na halos 100 Chinese citizen ang nawawala sa panig ng Nepal.
Sa India, sinabi ng Ministry of External Affairs na 288 Indian national ang hindi pa nako-contak. Kabilang dito ang 73 taong nagtatrabaho sa isang power project. Ayon sa mga opisyal ng Nepal, maraming Indian tourist ang nasa lugar para sa pilgrimage patungong Mount Kailash sa Tibet, isang banal na lugar para sa mga Hindu.
Roblox, idadagdag National ID sa kanilang age verification
Samantala, ilang iba pang bansa ang nag-ulat ng mga mamamayang nawawala:
United States
90 Amerikano ang hindi pa natatagpuan; tatlo ang nailigtas at walang naiulat na namatay na Amerikano.
Malaysia
51 Malaysian ang nawawala.
Ukraine
55 Ukrainian ang nawawala, kabilang ang dalawang grupo ng turista at isang babaeng naglalakbay kasama ang foreign tour group.
Australia
39 Australian ang nawawala.
Britain
33 British national ang nawawala.
Canada
25 Canadian ang nawawala.
South Korea
Siyam na South Korean na nagtatrabaho sa pagtatayo ng hydropower plant sa Nepal ang nawawala.
Singapore
Walong Singaporean ang nawawala.
Germany
Walong German tourist ang nawawala.
Russia
Walong Russian citizen ang nawawala.
South Africa
Anim na South African ang nawawala.
Latvia
Anim na Latvian tourist ang nawawala.
Japan
Limang Japanese tourist, kabilang ang mag-asawa at kanilang mga anak, ang nawawala.
New Zealand
Limang New Zealander ang nawawala.
France
Apat na French citizen ang nawawala.
Belgium
Tatlong Belgian ang nawawala.
Spain
Tatlong Spanish visitor ang nawawala.
Dalawa naman bawat isa mula Italy, Kazakhstan, Portugal, Ireland at Netherlands ang naiulat na nawawala.
Ayon sa Nepal tourism board, tig-iisang nawawala rin mula sa Belarus, Finland, Hungary, Israel, Lithuania, Philippines, Bulgaria, Switzerland, Serbia at Sweden.
