Alinsunod sa Memorandum Circular No. 131 na inilabas ng Malacañang, inaatasan ang mga tanggapan ng gobyerno na magpatupad ng naaangkop na alternative work arrangements sa sumusunod na mga lugar para sa Huwebes, Agosto 20, 2026:
National Capital Region (NCR)
Abra
Benguet
Ilocos Norte
Philippine Air Force, nagsalita sa umano'y iregularidad sa 'reserve promotions and decorations'
Ilocos Sur
La Union
Pangasinan
Bataan
Bulacan
Nueva Ecija
Pampanga
Tarlac
Zambales
Batangas
Cavite
Laguna
Rizal
Occidental Mindoro
Maliban kung may ibang direktiba mula sa kani-kanilang Local Chief Executives, ipatutupad din sa mga nabanggit na lugar ang alternative learning modes para sa mga klase at iba pang learning continuity measures sa lahat ng antas ng pampubliko at pribadong paaralan.
Magpapatuloy naman ang operasyon ng mga ahensyang responsable sa paghahatid ng basic at health services, disaster preparedness and response, at iba pang mahahalagang serbisyo upang matiyak ang patuloy na pagbibigay ng kinakailangang serbisyo sa publiko.
Ang mga Contract of Service (COS) at Job Order (JO) workers na sakop ng alternative work arrangements ay patuloy na tatanggap ng kaukulang sahod o suweldo, alinsunod sa mga umiiral na tuntunin at regulasyon.
Samantala, ang pagsuspinde ng trabaho o pagpapatupad ng alternative work arrangements sa pribadong sektor ay mananatiling nasa pagpapasya ng management nito.
Pinirmahan ang memorandum ni Executive Secretary Ralph Recto.
Photo courtesy: Presidential Communications Office/FB
