Mas mataas na singil sa kuryente, aasahan ngayong Agosto!-Balita

Mas mataas na singil sa kuryente, aasahan ngayong Agosto!

Nakaambang lumobo ang bayarin sa kuryente ngayong buwan ng Agosto bunsod ng pagtaas ng transmission charge.

Ayon sa National Grid Corporation of the Philippines (NGCP), tumaas ng 22.22% ang transmission rate para sa July 2026 billing period na sisingilin ngayong buwan ng mga distribution utility at electric cooperative.

Mula sa ₱ 1.4367 kada kilowatt-hour (kWh) noong nakaraang buwan, umakyat ito sa ₱1.7560 kada kWh.

Ipinaliwanag ng NGCP na pangunahing dahilan ng pagtaas ang “sharp increase” sa presyo ng ancillary services (AS), o mga serbisyong ginagamit upang mapanatiling balanse at matatag ang supply ng kuryente kapag may hindi pagkakatugma sa supply at demand.

Umakyat ng 30.85% ang AS rates mula ₱0.7941 kada kWh noong Hunyo sa ₱1.0391 kada kWh para sa July billing period.

Nilinaw naman ng NGCP na hindi ito kumikita mula sa ancillary service charges dahil direktang ipinapasa ang mga bayaring ito sa mga generation company na may bilateral contracts sa NGCP at sa Independent Electricity Market Operator of the Philippines (IEMOP) para sa AS na nagmumula sa Reserve Market.

Tumaas din ang transmission wheeling rate, o bayad sa paghahatid ng kuryente sa transmission grid, mula ₱0.5044 kada kWh noong Hunyo sa ₱0.5436 kada kWh noong Hulyo.

“As system operator, NGCP’s responsibility is to ensure grid stability and reliability, especially during periods of supply-demand imbalance. NGCP does not earn from Ancillary Service charges. These payments are remitted to the service providers that supply the reserves needed to keep the power system secure and reliable,” pahayag ng NGCP.

Samantala, ipinaliwanag naman ng Meralco na ang transmission charge sa electricity bill ay tumutukoy sa gastos sa paghahatid ng kuryente mula sa mga power supplier patungo sa distribution system nito.

Karaniwang matatagpuan ang mga power supplier sa ibang probinsya o malalayong lugar sa labas ng franchise area ng Meralco.

Ang naturang transmission charge ay ibinabayad sa NGCP bilang transmission service provider.

Incoming student-athlete ng La Salle na nasawi, nahulog mula sa 10th floor!

Kinumpirma na ng mga awtoridad na nahulog mula sa ika-10 palapag ng Enrique Razon Sports Center ang incoming student-athlete ng De La Salle University sa Maynila noong Agosto 13, 2026. Ayon sa mga ulat, sa Noli Street nahulog ang biktima bandang 12:57 ng hapon noong Agosto 13. Ilang concern citizen lang umano ang nagbalita sa security personnel hinggil sa nahulog na estudyante raw ng La Salle sa...

DILG, iniimbestigahan nag-viral na ‘delayed 911 response’

Ibinahagi ni Department of the Interior and Local Government (DILG) Sec. Jonvic Remulla sa media noong Sabado, Agosto 15, na iniimbestigahan na nila ang alegasyon ng mabagal na tugon ng Unified 911 hotline, na reklamo ng isang actor-performer na si Basty Askri. Kasunod ito ng nag-viral na social media post niya matapos niyang banggiting namatay ang kaniyang ama dahil sa umano’y naging...

Gatas na may halong lason ng daga, pinainom ng lola sa apo niyang 4-anyos!

Nasawi ang isang 4-anyos na batang babae matapos umano siyang painumin ng gatas na may halong lason sa daga na naganap sa Don Carlos, Bukidnon. Naganap ang insidente sa Purok 10, Barangay Poblacion Sur noong gabi ng Huwebes, Agosto 13, ayon sa inisyal na imbestigasyon ng Don Carlos Municipal Police Station. Batay sa ulat ng pulisya, una umanong nagkaroon ng pagtatalo sa pagitan ng lolo at lola ng...