Ipinatupad ang “work-from-home” set-up sa Senado at Kamara nitong umaga ng Lunes, Agosto 10 bunsod ng walang-tigil na pag-ulan dala ng Habagat.
Batay sa abisong inilabas ni Senate Sec. Renato Bantug Jr. sa media, ang “work-from-home” set-up ay inaprubahan ni Senate Pres. Sherwin Gatchalian para sa mga opisyal at empleyadong narito.
Kasabay ring inanunsyo ni House Secretary General Atty. Cheloy E. Velicaria-Garafil ang implementasyon ng “work-from-home” set-up sa Kamara para sa kanilang mga personnel.
Dahil sa mga pagbabagong ito sa work arrangement ng Senado at Kamara, kanselado ang nagpapatuloy na impeachment trial ni Bise Presidente Sara Duterte gayundin ang kanilang mga nakatakdang plenary session.
Saad pa sa mga abiso, ang nakanselang plenary session ngayong Agosto 10 ay itutuloy sa Martes, Agosto 11.
