Kinumpirma ni Presidential Communications Office (PCO) Undersecretary at Palace Press Officer Atty. Claire Castro nitong Lunes ng hapon, Agosto 10, na itinalaga na ni Pangulong Ferdinand “Bongbong” Marcos, Jr. si PhilHealth acting secretary at chief executive officer (CEO) Dr. Edwin Mercado bilang bagong Health secretary.
“Itinalaga ngayong araw ni Pangulong Ferdinand R. Marcos, Jr. bilang kalihim ng Department of Health si Dr. Edwin Mercado,” saad ni Usec. Castro.
Dahil dito, sino nga ba si Dr. Edwin Mercado?
Sa press briefing ng PCO ngayong araw, inilatag ni Usec. Castro ang mga impormasyon patungkol sa bagong talagang Health secretary na si Dr. Mercado.
Si Dr. Edwin Mercado ay ang kasalukuyang acting president at CEO ng PhilHealth, na siyang naitalaga noong Pebrero 2025.
Nakakatamad! Mga litanya ng ‘tamad’ na tao
Nagsilbi rin si Dr. Mercado bilang medical director sa Daniel Mercado Medical Center sa loob ng dalawang taon—mula taong 1998 hanggang 2000.
Siya rin ay nanungkulan bilang President at CEO ng iba’t ibang mga ospital mula 2000 hanggang 2016.
Nagtapos ng medisina ang bagong talagang kalihim ng DOH sa University of the Philippines (UP).
Kinuha niya naman ang kaniyang Master of Medical Science in Global Health Delivery sa Harvard Medical School taong 2023.
Mayroon ding Executive Master’s Degree in Healthcare Administration si Dr. Mercado mula naman sa University of North Carolina sa Amerika.
“Papalitan ni Dr. Mercado si outgoing DOH secretary Jose Pujalte, Jr.,” ani Usec. Castro.
