Masayang ibinahagi ng TV host at singer-actress Nikki Gil ang pagtatapos niya ng kursong Bachelor of Science in Interior Design sa SoFa Design Institute.
Sa social media post ni Nikki nitong Linggo, Agosto 9, ikinuwento niyang 2016 pa nang sinimulan niya ang pag-aaral at sa loob ng isang dekadang lakbaying ito, hindi raw niya inaasahang marami siyang pagbabagong kahaharapin sa buhay.
Saad pa na Nikki, dumating pa raw sa puntong nagduda siya kung matatapos pa niya ang pinaghihirapang degree ngunit sa pamamagitan ng pananampalataya, matagumpay niyang nalagpasan ang mga pagdududang ito.
“I started this journey in 2016, never knowing just how much LIFE would happen along the way. I had days when I wondered if I would ever actually finish. But God is good! He knew every season, every delay, every prayer,” kuwento ni Nikki.
Kasama pa sa pagtatapos ay pinarangalan si Nikki ng “Highest Distinction” at “Best Thesis.”
Cai Cortez, nakatapos na sa political science degree: '20 years in the making!'
Sa pag-abot ni Nikki ng panibago niyang academic achievement, hindi niya nakalimutang pasalamatan ang kaniyang pamilya, mga kaklase, propersor, at staff ng SoFA Design Institute.
Gayundin ang asawa niyang si BJ Albert na aniya’y walang sawang naging supportive sa pangarap niyang makapatapos at mga anak na sina Finn at Maddie na kasama niya sa lakbaying ito.
“Grateful to my family, friends, classmates, professors and staff at SoFA Design Institute. And to my little unit: thank you to my dear husband BJ Albert who has always been supportive of my pursuit of this dream, and to my Finn and Maddie who grew up alongside this degree thank you for being part of the journey ,” pagkilala ni Nikki.
Sa pagtatapos ng kaniyang mensahe, ipinarating ni Nikki sa fans at followers niyang hindi pa huli ang lahat para maabot ang mga pangarap nila.
“Let this be your reminder that it’s never too late to pursue your dreams. Take it from Tita Nikki and her second degree before 40! ” saad ni Nikki.
“To God be the glory!” dagdag pa niya.
