Alvin Aragon, gigil sa mga taong 'di makapagsimba dahil sa ulan!-Balita

Alvin Aragon, gigil sa mga taong 'di makapagsimba dahil sa ulan!

Nagpahayag ng pagkadismaya si StarStruck alumnus Alvin Aragon sa mga taong hindi umano nakakapagsimba kapag malakas ang ulan.

Sa kaniyang Facebook post nitong Linggo, Agosto 9, 2026, ibinahagi ni Alvin ang kaniyang saloobin tungkol sa mga taong pinipiling hindi na lamang magsimba dahil sa masamang panahon.

Para kay Alvin, hindi umano sapat na dahilan ang ulan upang tuluyang talikuran ang nakagawiang pagpunta sa simbahan, lalo na kung kaya namang gawin ang ibang personal na gawain sa kabila ng masamang panahon.

Inihalintulad pa niya ang sitwasyon sa karanasan ng mga unang Kristiyano na umano’y humarap sa mas mabibigat na panganib dahil sa kanilang pananampalataya.

“Ulan lang di kana nag church! Nung panahon nila Pedro pag lumabas ka at nalaman Christian ka papatayin ka. Ma offend kana kung maoofend ka!” ani Alvin sa naturang Facebook post.

Hindi rin pinalampas ni Alvin ang pagkakataong ihambing ang umano’y pag-uugali ng ilan kapag pera, pansariling interes at pagkakasala ang pinag-uusapan kumpara sa kanilang pagtrato sa usapin ng pananampalataya.

Ayon sa aktor, tila hindi alintana ng ilan ang ulan o baha kapag may kailangang gawin na may kaugnayan sa pera o sariling interes, ngunit kapag pagsisimba na ang pag-uusapan ay mabilis umano itong nagiging dahilan para umatras.

“'Pag pera wala kang pakeeleman kahit may bagyo! 'Pag kasalanan wala kang pake kahit bumabaha na! Pag tungkol sa Diyos… madaling i cancel! Aray ko sayo!” hirit pa niya.

Sa kaniyang mensahe, tila nais ding ipaalala ni Alvin sa kaniyang mga tagasubaybay na ang pananampalataya ay hindi lamang dapat isinasabuhay kapag maganda ang panahon o komportable ang sitwasyon.

Binigyang-diin niya sa pamamagitan ng isang Bible verse ang kahalagahan ng patuloy na pagtitipon at pagbibigay ng suporta at encouragement sa kapwa mananampalataya.

“Let us not neglect meeting together, as some have made a habit, but let us encourage one another, and all the more as you see the Day approaching. Hebrew 10:25,” aniya pa.

Samantala, hindi naman malinaw sa kaniyang post kung sino ang partikular na tinutukoy ni Alvin, o kung may partikular na insidenteng nag-udyok sa kaniyang komento.

Bahay sa Zamboanga, pinaliguan ng tae habang may natutulog sa loob!

Nagulat at labis na nainis ang isang pamilya sa Purok 2, Barangay Poblacion, Mahayag, Zamboanga del Sur matapos umanong magtapon ng dumi ng tao ang isang hindi pa nakikilalang indibidwal sa loob mismo ng kanilang bahay habang sila ay natutulog. Ayon sa ulat, dakong 11:50 ng gabi noong Sabado, Agosto 8, nang biglang magising ang pamilya matapos umano silang tamaan ng itinapong dumi na nagkalat sa...

Muling umangat! Lebel ng tubig sa Angat Dam, bahagyang lumampas sa critical level!

Patuloy ang pagtaas ng lebel ng tubig sa Angat Dam, kasunod ang patuloy na pagbuhos ng ulang dala ng southwest monsoon o habagat sa malaking bahagi ng Luzon. Batay sa datos na inilabas ng Department of Science and Technology - Philippine Atmospheric, Geophysical and Astronomical Services Administration (DOST-PAGASA), as of 8:00 ng umaga nitong Linggo, Agosto 9, umabot sa 161.81 meters ang water...

Delivery rider, patay matapos mabagsakan ng puno at poste sa Antipolo

Nasawi ang isang delivery rider matapos siyang mabagsakan ng puno at poste ng kuryente sa Circumferential Road sa Brgy. San Roque, Antipolo City nitong Linggo, Agosto 9. Batay sa pahayag ni Antipolo City Mayor Jun Andeng Ynares, nakikisilong ang driver sa kasagsagan ng ulan nang mabagsakan siya ng puno at poste. Dahil dito, nagsagawa ng clearing operations ang rescue at response teams...