Nilinaw ng Philippine National Police (PNP) na walang ipinatutupad na nationwide gun ban kaugnay ng ikalimang State of the Nation Address (SONA) ni Pangulong Ferdinand “Bongbong” Marcos Jr. sa Lunes, Hulyo 27, 2026.
Sa inilabas na pahayag ng PNP, sinabi nitong mali ang mga kumakalat na impormasyon sa social media na magkakaroon ng nationwide gun ban sa kasagsagan ng SONA.
“The Philippine National Police (PNP) clarifies that no nationwide gun ban has been imposed in connection with the Fifth State of the Nation Address (SONA) of President Ferdinand R. Marcos Jr. on Monday, July 27, 2026,” anang PNP.
Ayon pa sa PNP, wala silang inilabas na direktiba na nagpapatupad ng nationwide gun ban para sa naturang okasyon.
“Information circulating online claiming that a nationwide gun ban will be enforced during the SONA is incorrect,” giit pa nila.
Sen Alan, tinalakang 'ang ingay, dakdak nang dakdak' sa FB live niya
Bagama't walang nationwide gun ban, sinabi ng PNP na mananatiling umiiral ang mga kasalukuyang batas, lokal na ordinansa, at umiiral na security protocols.
Bilang bahagi ng paghahanda sa SONA, mahigpit na ipatutupad ng mga pulis ang pagbabawal sa pagdadala ng mga baril at iba pang nakamamatay na armas sa mga itinalagang security areas at iba pang lugar na saklaw ng naturang mga restriksyon.
Paliwanag nila, “The PNP has not issued any directive imposing a nationwide gun ban for the event. However, existing laws, local ordinances, and established security protocols remain in effect. As part of the security preparations for the SONA, police personnel will strictly enforce restrictions on the carrying of firearms and other deadly weapons in designated security areas and other locations where such restrictions are authorized.”
Hinikayat din ng PNP ang publiko na kumuha lamang ng impormasyon mula sa kanilang opisyal na mga communication channels at iwasang magbahagi ng mga hindi beripikadong impormasyon na maaaring magdulot ng kalituhan.
“The PNP encourages the public to rely only on information released through its official communication channels and to refrain from sharing unverified posts that may cause confusion,” anila.
Tiniyak din ng PNP na nakatuon ito sa pagpapanatili ng seguridad at kaayusan sa idaraos na ikalimang SONA habang iginagalang ang karapatan ng publiko.
“The Philippine National Police remains committed to ensuring the safe, orderly, and peaceful conduct of the Fifth SONA while respecting the rights of the public,” saad pa ng kapulisan.
