Tinanggap ni TV host at GMA trivia master Kuya Kim Atienza ang paghingi ng dispensa ni Fr. Jowel Jomarsus P. Gatus sa pahayag nito tungkol sa depresyon.
"Ang daming taong may sakit sa ospital na lumalaban sa hamon ng buhay. Ikaw na pagkalusog-lusog nade-depress," anang pari.
Napukaw nito ang atensyon ni Kuya Kim, kaya ibinahagi niya ang quotation pubmat ng isang digital media platform kung saan nakalagay ang nasabing pahayag.
Aniya, “Depression is a sickness, a medical condition. Ang taong may mental illness ay lumalaban sa hamon ng buhay at ayaw magpa-ospital dahil sa ganitong stigma, sa ganitong pag-iisip, Father.”
Nang makaabot sa kabatiran ni Fr. Jowel ang paninita ng TV host at trivia master, humingi siya ng sorry sa kaniyang nasabi tungkol sa depresyon na bahagi ng kaniyang homiliya.
Darna o Robin? Sen. Padilla, nadawit sa ‘Miss Q and A’
"From the bottom of my heart, I am truly sorry. It was never my intention to hurt you or your family, nor was it my intention to discredit the experiences of those who suffer from depression," anang pari.
Dagdag pa niya, "I realize now that my words may have sounded as if I was diminishing a pain that is very real. For that, I sincerely ask for your forgiveness."
Tinugon naman agad ni Kuya Kim ang pari at pinatawad.
“Thank you so much for the post and your apology it is well taken,” sabi niya. “Your statement opened a conversation that is timely and urgent. Talking about it now saves young lives.”
Kilala si Kuya Kim bilang isang mental health advocate. Matatandaang pumanaw ang anak niyang si Emman Atienza dahil sa mental health issues.
