Pinaboran ni New York City Mayor Zohran Kwame Mamdani ang desisyon ng International Criminal Court (ICC) na dakpin si Israeli Prime Minister Benjamin Netanyahu dahil sa atraso nito sa Palestine.
Matatandaang Nobyembre 2024 nang mag-isyu ang ICC ng arrest warrant laban kay Netanyahu dahil sa umano'y war crimes at crimes against humanity sa Gaza.
Kaya a video statement na inilabas ni Mamdani nitong Miyerkules, Hulyo 22, tinawag niyang war criminal si Netanyahu bilang arkitekto umano ng katakot-takot na genocide sa mga Palestino, kabilang na ang pagpaslang sa 73,000 katao, pagsalakay sa mga neonatal hospital, at marami pang iba.
“As I've said, I agree with the ICC that Benjamin Netanyahu should be arrested and tried for his crimes, as I do for anyone else charged by the ICC," saad ni Mamdani.
Dagdag pa niya, "My administration has reviewed every avenue available under applicable law to determine whether New York City could execute the International Criminal Court's arrest warrant if Benjamin Netanyahu came here."
90-anyos Pinay Nikkei, nakuha ulit kaniyang Japanese citizenship ilang dekada matapos ang WWII
Ayon kay Mamdani, malinaw umanong wala silang independent legal authority para ipatupad ang naturang warrant, ngunit ang federal government ay mayroon nito.
"I call on them to join the ICC and execute this warrant," dugtong pa ng alkalde.
Sa huli, binigyang-diin ni Mamdani na hindi welcome si Netanyahu sa New York City.
Nakagawian na ng Israeli Prime Minister na bumisita sa nasabing siyudad para sa United Nations General Assembly na ginaganap tuwing Setyembre.
Samantala, tiniyak naman ni US President Donald Trump na hindi aarestuhin si Netanyahu sa pagpunta nito sa New York.
