Itinuturing na ‘most wanted’ ng Federal Bureau of Investigation (FBI) ang isang Pilipinong kinilalang si Edgardo Feralin Dormido Jr., dahil sa alegasyong pangmomolestiya sa mga menor de edad sa Manhattan Beach, California.
Batay sa inilabas na wanted advisory ng FBI noong Martes, Hulyo 14, si Dormido ay tumakas umano mula sa California patungong Taipei, Taiwan, bago lumapag sa Maynila, noon pang Hulyo 13, 2015.
Noon namang Oktubre 9, 2015, si Dormido ay kinasuhan ng Superior Court of California ng limang krimen kabilang ang dalawang bilang ng Oral Copulation o Sexual Penetration with Child 10 Years Old or Younger, isang bilang ng Forcible Lewd Act Upon Child, at dalawang bilang ng Lewd Act Upon a Child.
Pagdating ng Hunyo 22, 2022, si Dormido ay pinatawan naman ng United States District Court, Central District of California ng kasong Unlawful Flight to Avoid Prosecution.
Kasama rito ang pag-uutos ng federal warrant laban kay Dormido.
Passenger plane na nawala ng pitong dekada, muling natagpuan!
Dahil sa mga kasong ito, ipinapanawagan ng FBI na sinumang may impormasyon kay Dormido, na pinaniniwalaang kasalukuyang naninirahan sa Pilipinas, ay agad na makipag-ugnayan sa pinakamalapit na lokal na FBI office, Embahada o Konsulada ng Amerika.
