Pinuna ni Senator-Judge Alan Peter Cayetano ang pagliham ni National Bureau of Investigation (NBI) Director Atty. Melvin Matibag para hilingin sa House prosecution panel na payagan siyang tumestigo nang mas maaga sa impeachment trial laban kay Vice President Sara Duterte.
Ito ay matapos imbitahan si Matibag ng Federal Bureau of Investigation (FPBI) para dumalo sa law enforcement summit na gaganapin sa Thailand mula Hulyo 21 hanggang 22.
Ngunit sabi ni Cayetano sa kaniyang manifestation sa ikaapat na araw ng impeachment trial nitong Lunes, Hulyo 13, "bad taste" umano ang tila pagdidikta ni Matibag na hindi siya makakadalo sa Senado sa susunod na linggo.
Ayon sa senator-judge, lahat naman daw sila ay may kaniya-kaniyang foreign at local trips na isinantabi muna para mabigyan ng prayoridad ang impeachment trial na ginaganap tuwing Lunes hanggang Miyerkules.
"I find it in bad taste that a bureau head will dictate to us that he's not available next week,” saad ni Cayetano.
'Di kami naniniwala sa mga lord!' Sen. Robin, pinatutsadahan si Lourd de Veyra?
Dagdag pa niya, “I was secretary of [Department] of Foreign Affairs. That's why you have undersecretary; that's why you have a deputy director."
Matatandaang inaasahan si Matibag na tumestigo sa umano'y banta ng Bise Presidente laban kina Pangulong Ferdinand "Bongbong" Marcos, First Lady Liza Marcos, at dating House Speaker Martin Romualdez.
