Todo kilig sina BINI Mikha Lim at Maloi Ricalde sa nag-viral na dance cover ni Lee Chae-ryeong ng KPop girl group na ITZY, ng kanilang kantang “Blush” noong Sabado, Hulyo 11.
Sa dance cover ni Chae-ryeong sa Instagram, mababasa sa caption niya ang, “You make me Blush. #ITZY #CHAERYEONG #BINI #Blush”
Dahil dito, bukod sa naging graceful na pagsasayaw ni Chae-ryeong, agaw-pansin ang pagfa-fangirl nina Mikha at Maloi sa comment section ng dance cover.
“IM LITERALLY IN LOVE WITH YOU STOPPPP,” saad ni Mikha.
Habang si Maloi naman, ipinamalas ang kaniyang Hangul writing skills .
SB19, Ben&Ben, iba pang OPM artists nagpasiklab sa Araneta!
“당신은 눈부신 소녀예요 (You are a Dazzling Girl),” ani Maloi.
Kasama pa sa naki-fan girl ay si Ica Villanueva, na stylist at visual director ng BINI.
“Omgggg,” sabik na saad ni Ica.
Sa kaugnay na ulat, itinanghal ng ITZY ang kanilang “Tunnel Vision” concert sa Pilipinas sa SM Mall of Asia Arena noon ding gabi ng Hulyo 11.
Ilan sa mga inabangang performances nila ay ang live rendition ng kanta nilang “Tunnel Vision” at “Motto.”
Gayundin ang ilang fan favorites na “Wannabe,” “That’s A No No,” at “Dalla Dalla.”
