Bahagyang lumakas ang Super Typhoon "Inday," base sa latest tropical cyclone bulletin ng Philippine Atmospheric, Geophysical and Astronomical Services Administration (PAGASA) nitong umaga ng Miyerkules, Hulyo 8, 2026.
Sa weather bulletin ng PAGASA, as of 11:00 AM, bahagyang lumakas ang super typhoon habang kumikilos pa-west northwestward sa Philippine Sea, sa bilis na 20 kilometers per hour.
Ang sentro ng bagyo ay nasa layong 1,270 kilometers East of Northern Luzon. Taglay nito ang lakas ng hangin na aabot sa 195 kilometers per hour at pagbugsong 240 kilometers per hour.
Samantala, nadagdagan pa ang lugar na nasa ilalim ng tropical cyclone wind signal no. 1:
Batanes
Cagayan kabilang ang Babuyan Islands
Apayao
Kalinga
Isabela
Northern portion ng Aurora
Northern at central portions of Catanduanes
Northeastern portion ng Quirino
Eastern portion ng Ifugao
Ilocos Norte
Eastern portion ng Mountain Province
Northern portion of Abra
Sen. Alan, 'di raw mapigilan ang sariling gumawa ng mga intriga—Palasyo
Samantala, inaasahang kikilos ang super typhoon Inday pa-west northwest sa susunod na 24 na oras. Lilihis naman ito pa-northwest habang nasa Philippine Sea.
Posibleng pinakamalapit ito sa extreme Northern Luzon sa Biyernes, Hulyo 10, bago tahakin ang southern islands ng Japan at Taiwan.
Inaasahan din lalabas ng Philippine Area of Responsibiility ang bagyo sa Sabado, Hulyo 11, at magla-landfall sa silangang baybayin ng mainland China sa Linggo, Hulyo 12.
