Ipinaaaresto na ng Sandiganbayan 3rd Division si Sen. Rodante Marcoleta kaugnay ng plunder case na kinahaharap ng naturang senador.
Kabilang din sa warrant of arrest sina dating Anakalusugan Partylist Rep. Mike Defensor at dalawang negosyanteng sina Aristotle Baluyut Viray at Joseph Varias Espiritu na pawang campaign donors ni Marcoleta noong Eleksyon 2025.
Matatandaang nagkakalahaga ng ₱75 milyon ang naturang donasyon na natanggap ni Marcoleta para sa kaniyang pangangampanya ngunit hindi niya umano ito idineklara sa Statement of Contributions and Expenditures (SOCE) at Statement of Asset, Liabilities and Networth (SALN).
Maliban sa arrest order, naglabas din ng hold departure order (HDO) ang Sandiganbayan laban kina Marcoleta.
Ayon kay Associate Justice Karl Miranda, nakatakdang ipiit si Marcoleta sa New Quezon City Jail - Male Dormitory sa Payatas, anumang oras na maaresto siya.
