Hinimok ni Senador Pia Cayetano ang Senate majority sa isinasagawang impeachment trial ngayong Lunes, Hulyo 6, na tawagan ang Malacañang na magsagawa ng special session kaugnay sa impeachment rules.

Kasunod ito ng isinagawang botohan para italaga si Senador Francis "Chiz" Escudero bilang presiding officer ng impeachment trial ni Vice President Sara Duterte, kung saan walo sa senador ang hindi pumabor, habang 12 naman ang pabor.

Naunang iginiit ni Senador Alan Peter Cayetano na si Senador Win Gatchalian ang dapat na maging presiding officer dahil siya ang Senate President. 

"I want to avoid that this impeachment trial will be declared null and void, I wanna to avoid walkouts, I wanna avoid any delays. The Senate President is more than capable, he said is willing, he said he is ready, he has been in many situations in life… so what is the issue why do we have to vote for a presiding officer? Why can’t we follow the constitution?" saad ni Sen. Alan Peter.

Dagdag pa niya, "Implementing a null and void rule and violating the constitution will endanger this whole hearing."

National

'Kiyapo,' lalakas bilang tropical storm; signal no. 1, nakataas na!

Tumugon naman si Senador Win Gatchalian sa mosyo ni Sen. Alan Peter, na ang anumang talakayan tungkol sa Senate Resolution No. 430, na nag-aamyenda sa impeachment rules, ay dapat isagawa sa plenaryo kapag nagpupulong ang Senado bilang legislative body.

"This resolution has been duly approved and everyone has given an opportunity to discuss that, to object. However, no one objected to that resolution," sagot pa niya.

Samantala, giit ni Sen. Pia na tawagan ang Malacañang upang magsagawa ng special session kaugnay sa impeachment rules.

“If his honor will insist that we have to be in session to amend the impeachment rules, edi tawagan ninyo po ang Malacañang. Nagpa-special session naman po siya diba,” anang kapatid ni Sen. Alan Peter.

Giit pa niya, "Kung ipa-i-insist niyo na ‘yang impeachment amendment na ‘yan kailangan gawin in special session, edi magpapatawag tayo ng special session. Mukha namang very supportive naman ang Malacañang sa majority, 'di ho ba?"

Sa kabila nito, naihalal pa rin si Escudero bilang presiding officer.