Nakauwi na sa bansa si Pangulong Ferdinand “Bongbong” Marcos, Jr. matapos ang matagumpay nitong official visit sa Canada na ikinasa mula noong Hulyo 1 hanggang 4.

Ayon sa mga ulat, 3:56 ng hapon ngayong Linggo, Hulyo 5 nakabalik ng Pilipinas ang Pangulo.

Batay naman sa ulat ng Presidential Communications Office (PCO), nakapag-secure ang Pilipinas ng investment commitments na aabot sa US$2.5 bilyon na nagmula sa Canadian partners sa pagmimina, enerhiya, serbisyo, at IT-BPM.

Matatandaang nagsagawa rin ng isang Expanded Bilateral Meeting sina PBBM at Canadian Prime Minister (PM) Mark Carney na parte ng four-day official visit ng Pangulo sa nabanggit na bansa.

Sumentro ang dayalogo sa usaping magpapaigting sa relasyon ng Canada at Pilipinas na may kinalaman sa ekonomiya, depensa, at seguridad.

Napagdiskusyunan din ang usapin patungkol naman sa supply chains, resources, connectivity, maritime, at cybersecurity.

“Both sides noted the unprecedented momentum in Philippines-Canada relations and welcomed significant developments in their economic relations, defense and security ties, and people-to-people exchanges, including the Philippines-Canada Free Trade Agreement negotiations set to conclude this year,” anang PCO.

“President Marcos stressed the importance of building resilient supply chains, diversifying resources, and enhancing connectivity, while welcoming Canada’s participation in the Luzon Economic Corridor, including planned investments in artificial intelligence and advanced manufacturing. Proposals for closer collaboration in maritime, cybersecurity, energy, and labor cooperation were discussed in detail,” dagdag pa nito.

MAKI-BALITA: PBBM, Canadian PM Mark Carney nag-bilateral meeting; tutok sa economy, defense, security-Balita

Bago ang kaniyang pagbalik sa Pilipinas, binisita rin ng Pangulo ang Filipino community sa Vancouver, Canada.

Pinasalamatan niya ang mga ito sa kanilang husay, sipag, at malasakit.