Nakaantabay pa rin ang Philippine National Police (PNP) hinggil sa mga kasalukuyang ganap sa biglaang kilos-protesta na ginanap ng religious group na Iglesia ni Cristo (INC) sa EDSA nitong Martes, Hunyo 30.
Batay sa ulat ng PNP, maigting na pagbabantay ang isinasagawa ni PNP chief Gen. Jose Melencio C. Nartatez Jr. sa naturang kaganapan, kung saan sinasaklaw ang kaligtasan ng bawat indibidwal, maayos na daloy ng trapiko, at ang karapatan ng bawat isa.
“Chief PNP Police General Jose Melencio C. Nartatez Jr. is closely monitoring the situation at the PNP Command Center this morning, as police units remain on the ground along EDSA following reports of an alleged emergency rally by a religious organization,” ayon sa PNP.
“Receiving real-time updates from field commanders, the Chief PNP continues to oversee police operations to ensure public safety, maintain the orderly flow of traffic, and keep the situation peaceful while respecting the rights of those involved,” dagdag pa nila.
Anang ahensya, nananatili silang ugnay at alerto upang matiyak na magiging maayos ang sitwasyon sa nasabing kilos-protesta.
Criteria sa ‘free popcorn’ ng MMDA sa Alex Eala vs. Jasmine Paolini watch party, kinatuwaan
“The PNP remains on full alert and continues to coordinate with concerned units to ensure peace, order, and the safety of the public,” pagtatapos ng PNP.
Base sa tala ng Quezon City Police District (QCPD), umabot na sa humigit-kumulang 9,000 ang dumalo sa biglaang kilos-protesta.
Ayon naman kay INC spokesperson Edwil Zabala, ikinasa ang INC rally sa EDSA bilang pagsuporta kay Sen. Rodante Marcoleta.
Matatandaang sinabi ni Ombudsman Jesus Crispin “Boying” Remulla noong Lunes, Hunyo 29, na kakasuhan nila si Marcoleta sa Sandiganbayan ng non-bailable plunder case hinggil sa ₱75 million campaign donations na iniuugnay dito noong 2025 national elections.
Samantala, ayon sa Quezon City local government unit, walang permit at "illegal" ang naturang rally ng INC.
