PRC, sinuspinde si Badoy dahil sa panrered-tag sa healthworkers-Balita

PRC, sinuspinde si Badoy dahil sa panrered-tag sa healthworkers

Sinampolan ng Professional Regulation Commission (PRC) si dating National Task Force to End Local Communist Armed Conflict (NTF-ELCAC) spokesperson Lorraine Badoy dahil sa umano’y red-tagging nito sa mga health worker noong kasagsagan ng pandemya.

Sa isang Facebook post ng Movement Against Disinformation (MAD) nitong Sabado, Hunyo 27, sinabi nilang tinatanggap nila ang desisyon ng PRC Board of Medicine na guilty si Badoy sa paglabag sa Revised Code of Ethics of the Medical Profession.

Ang MAD ang tumayong counsel ng mga complainants sa naturang kaso.

Sinususpinde rin ng lupon ang certificate of registration ni Badoy sa loob ng anim na buwan.

"The decision, dated May 8, 2026, and received by MAD on June 25, 2026, also prohibits Badoy from practicing medicine during the suspension and requires an affidavit of compliance before any return to practice," saad ng MAD.

Dagdag pa nila, "The consolidated cases arose from Badoy’s public statements linking the Alliance of Health Workers (AHW), its members, and community physician Dr. Ma. Natividad 'Naty' Castro to the CPP-NPA-NDF."

Ayon sa MAD, nakalinya umano ang desisyong ito ng PRC sa pagkilala ng Korte Suprema na ang red-tagging, vilification, labeling, at guilty by association ay banta sa kalayaan, karapatan at seguridad ng mamamayan.

Matatandaang noong 2022, umapela ang AHW sa PRC para ipawalang-bisa ang lisensya ni Badoy bilang physician dahil sa umano'y red-tagging na ginagawa nito.

Batay sa pagpapakahulugan ng Commission on Human Rights (CHR), ang terminong "red-tagging" ay madalas na ginagamit upang ilarawan ang isang grupo o indibidwal bilang kasapi ng underground armed movement o terorismo nang walang anomang basehan o paglilitis.

Samakatuwid, ang isang aktibista o human rights defender ay pwede umanong bigyang-taguri bilang terorista o komunista nang walang sapat na ebidensya.

Samantala, wala pang pahayag na inilalabas si Badoy hinggil dito.

PBBM, bumoses na sa arbitral award ng Pinas!

Nagsalita na si Pangulong Ferdinand “Bongbong” Marcos, Jr., kaugnay landmark arbitral award na nakamit ng Pilipinas humigit-kumulang sampung taon na ang nakalipas noong 2016. Matatandaang naging usap-usapan ang ilang mga Chinese scholars noong Huwebes, Hulyo 9, 2026, matapos nilang igiit sa kanilang symposium na “natural extension” ng Taiwan ang Batanes kaya raw nararapat itong isama sa...

Usap-usapang University of Prison, ibinida ni Sen. Robin!

Ipinagtanggol ni Sen. Robin Padilla ang kaniyang naging pahayag tungkol sa pagtatapos umano niya sa tinawag niyang “University of Prison,” kasunod ng mga reaksyon at puna mula sa publiko matapos niyang banggitin ito sa gitna ng impeachment trial sa Senado. Ayon sa senador, ipinagmamalaki niya ang tatlong taong pananatili sa kulungan dahil dito umano niya natutunan ang mahahalagang aral sa...

First tranche na ₱60 sa NCR wage hike, epektibo na sa Hulyo 15!

Magsisimula nang ipatupad sa Hulyo 25 ang unang bahagi ng ₱85 na dagdag sa minimum na arawang sahod ng mga manggagawa sa National Capital Region (NCR), ayon sa Department of Labor and Employment (DOLE). Sa ilalim ng bagong wage order, unang matatanggap ng mga minimum wage earner ang ₱60 dagdag sa kanilang arawang kita, habang ang natitirang ₱25 ay ipatutupad naman sa Enero 2027 bilang...