Hindi na raw gugustuhin pa ni award-winning actress Nadine Lustre na umibig ulit kapag naghiwalay sila ng boyfriend niyang si Christophe Bariou.
Nakapanayam kasi ni Kapamilya broadcast-journalist Karen Davila si Nadine sa latest episode ng vlog niya noong Huwebes, Hunyo 25.
Kinunan mismo sa Siargao ang interview kung saan tampok din ang behind-the-scenes ng set ng pinakabagong TV series ni Nadine na “Love, Siargao” kasama si Asia’s Multimedia Star Alden Richards.
Dito ay ibinahagi ng aktres kung gaano kasaya at kadaling katrabaho si Alden sa kanilang bagong proyekto.
Aniya, “Honestly, I don’t think this will be the last time that people would we'll see both of us. I mean, this is not going to be the last time we'll be hanging out for sure.”
Alyssa Valdez, hinard launch ang jowa
“Just because, you know, the people here in our set, that everyone is just cool. I really see them all as friends even after the project,” dugtong pa ni Nadine.
Hirit tuloy ni Karen, “I’m not gotta ask you if you can fall in love with your partner.”
“Huwag na,” natatawang sabi ni Nadine. “Saka alam mo naman nangyari na ‘yan. Huwag na nating ulitin.”
Pero hindi raw namang imposibleng mahulog siya kay Alden. Sadyang masaya lang siya kung nasaan man siya ngayon.
“And ito talaga, itaga n’yo sa bato, if Chris and I ayaw ko nang mag-jowa. Pagod na ako,” saad ni Nadine.
Dagdag pa niya sa mas seryosong tono, “But really, I told myself that. Parang sabi ko, if this is not the last relationship that I will have, I’m probably going to be single for the rest of my life.”
Matatandaang maglilimang taon na ang nakakalipas simula nang ipinakilala ni Nadine sa publiko si Christophe.
MAKI-BALITA: Nadine Lustre, unti-unti na nga bang ipinakikilala sa socmed ang rumored boyfriend?
Ngunit bago dumating si Christophe sa buhay niya, halos pitong taong naging karelasyon ni Nadine si James Reid.
Inanunsiyo nila ang kanilang breakup noong 2020.
