Naglabas ng opisyal na pahayag ang Manila Electric Company (Meralco) matapos mag-viral ang rant post ng talent manager at concert producer na si Cacai Mitra, kapatid ni Asia's Songbird na si Regine Velasquez-Alcasid, tungkol sa electric bill niyang umabot sa ₱94,355.21, na due date sa Hunyo 21.
Mababasa sa Facebook post ni Cacai ang pagkagulat niya sa sobrang taas na electric bill, lalo pa't sobrang "conscious" na nga raw siya sa paggamit ng mga kasangkapang elektroniko para makatipid.
"Ayoko na sana makisabay, pero mahimatay naman ako dito Meralco," saad ni Cacai.
"Super conscious na nga ako sa gamit ng kuryente. Bahay lang po kami hindi commercial building," giit pa ni Cacai.
Photo courtesy: Screenshot from Cacai Mitra/FB
Freedom of expression, karapatan niya! Pokwang, Meryll dinepensahan si Joshua
Naka-tag naman sa post ang official Facebook account ng Meralco.
Mukhang nakarating naman sa kaalaman ng Meralco ang tungkol sa reklamo ni Cacai, at naglabas ng opisyal na pahayag tungkol dito.
"We have seen the social media post of Ms. Cacai Mitra and have since reached out to her to better understand her concerns and discuss the details of her billing," saad ni Meralco vice president and head of corporate communications Joe Zaldarriaga.
"Ms. Cacai’s account is classified as a high-load service and there was no unusual surge in her consumption, which is also reflected in the historical chart in her bill," aniya pa.
"The increase in her electricity usage during the period in question is consistent with her seasonal consumption pattern. The actual consumption remains within the normal range of her previous bills, both when compared with the preceding months and with the same period last year."
"We explained particulars of the billing with Ms. Cacai. To further assist and provide additional clarity, we have offered to conduct a technical survey of her property. We remain in close coordination with the customer and are committed to addressing any other questions she may have regarding her account," anila pa.
Samantala, as of this writing, hindi pa nagbibigay ng updates si Cacai tungkol sa June electric bill niya.
Matatandaang umalma ang mga netizen sa pagtaas ng bill ng kuryente sa nagdaang buwan dahil sa nangyaring power outage kamakailan, dahil sa manipis na suplay ng kuryente, partikular sa Luzon grid.
