Naghayag ng pagkadismaya si Department of Public Works and Highways (DPWH) Sec. Vince Dizon dahil sa naantalang flood control projects sa loob ng University of the Philippines - Philippine General Hospital (UP-PGH) na matatagpuan sa Ermita, Maynila.
Ayon sa latest Facebook post ng DPWH nitong Miyerkules, Hunyo 17, natuklasang 16% pa lang umano ang natatapos sa kabuuang proyekto kahit Disyembre 2024 pa ito nasimulan.
“Ospital pinag-uusapan natin dito, a. Napakaimportante nitong PGH. Nakita n'yo naman gaano kadaming tao nagpupunta dito araw-araw,” saad ni Dizon.
Dagdag pa niya, “Magtatag-ulan na naman. Ito na naman. Babahain na naman dito. Sabi nga ni Pangulo, our people deserve better than this.”
Samantala, napag-alaman naman ni Dizon na kapatid umano ni dating Ako Bicol Party-list Rep. Zaldy Co ang joint venture ng kontratistang nangangasiwa sa naturang proyekto.
'I believe they're wrong!' PBBM, pumalag sa hanash ng INC hinggil sa isyu ng 'selective justice'
“Kaya naman pala, e. Basta kung hindi mag-deliver 'to ng June, kanselahin mo 'to," dugtong pa ng kalihim.
Bukod sa proyektong flood control, ininspeksyon din ni Dizon ang iba pang nakabinbing gusali sa loob ng PGH upang tiyakin ang kaligtasan ng mga pasyente at empleyado.
