Binati ni Pangulong Ferdinand “Bongbong” Marcos, Jr. ng isang maligayang kaarawan si United States (US) President Donald J. Trump, na ipinagdiwang ang birthday nito noong Linggo, Hunyo 14.
Sa isang Facebook post na ibinahagi ni PBBM nitong Lunes, Hunyo 15 (oras sa Pilipinas), hiniling niya ang mabuting kalusugan at tagumpay ng kapuwa pangulo.
“Happy Birthday, President Trump,” panimula ni PBBM sa kaniyang b-day greeting.
Aniya, “On behalf of the Filipino people, I wish you good health, happiness and continued success in the year ahead.”
Binigyang-diin din ng Pangulo na ang liderato ni Trump ay nagmarka na sa kasaysayan ng Amerika; at patuloy na nakaiimpluwensya sa iba’t ibang diskusyon at kaganapan sa pandaigdigang usapin.
HIV cases sa bansa, pumalo na ng mahigit 4,000 sa 1st quarter ng 2026!
“Your leadership continues to shape the direction of the United States at a consequential moment in its history, while influencing developments and discussions on many of the most pressing issues facing the international community today,” anang Pangulo.
Giit niya, “I trust you enjoyed your birthday celebration and the company of family and friends.”
Umaasa rin si PBBM sa mas titibay pa ang relasyon ng Pilipinas at Amerika sa mga susunod pang taon.
“May the enduring friendship between the Philippines and the United States continue to grow stronger in the years ahead,” pagtatapos ni PBBM.
