Naglabas ng pahayag si Atty. Jesus Falcis matapos siyang suspindehin ng Korte Suprema sa loob ng isang taon dahil sa hindi angkop na pananalita sa social media.
Ayon sa Korte Suprema, nag-ugat umano ang kaso sa isang post ni Falcis kung saan dinepensahan niya ang kaniyang utol na si Nicko laban sa mga paratang na may kinalaman sa reklamong qualified theft na isinampa ni Queen of All Media Kris Aquino.
“Yung mga biased na dilawan dyan, halata kayo. Sa allegations ni Kris, paniwalang paniwala na kayo agad. Pero sa allegations namin na she threatened my brother, wala ako naririnig sa inyo? Pakyu kayo mga gago haha check your cognitive biases,” mababasa sa tweet ni Falcis noong 2018.
Sa latest Facebook post ni Falcis nitong Lunes, Hunyo 15, sinabi niyang kinikilala niya ang konsekwensiyang kaakibat ng mga salitang binitawan niya.
Aniya, “I accept the wisdom of the Supreme Court to suspend me for one year. All lawyers are under the disciplinary power of the Court, and I am no exception.”
2 PH Navy na pinukpok sa ulo ng CCG, makatatanggap ng tig-₱100k!
“I recognize that words, contained in a tweet, have power and my choice of words should have consequences. All lawyers should be held accountable for their words and actions,” saad ni Falcis.
Dagdag pa niya, “That is why I prostrate myself to the Supreme Court for disciplining me and in the same vein, I beg the Honorable Court to resolve the pending disbarment cases of former President Rodrigo Duterte, and Vice President Sara Duterte, to show that indeed, no one is above the law.”
Bukod dito, umapela rin si Falcis sa mga Senator-judge na kung ang abogadong tulad niya ay maaaring suspendihin, nararapat lang din daw na managot si VP Sara hindi lang sa pagmumura kundi pati sa pagbabanta sa buhay ni Pangulong Ferdinand “Bongbong” Marcos, Jr. at kay First Lady Liza Araneta-Marcos.
