Dapat nang asahan ng mga consumer ang mas mataas na singil ng kuryente ngayong Hunyo.
Ito'y matapos na ianunsiyo ng Manila Electric Company (Meralco) na magpapatupad sila ng ₱0.1488 kada kilowatt-hour (kWh) na dagdag sa kanilang household electricity rate ngayong buwan.
Bunsod nito, ang overall household rate ay aabot na sa ₱14.4833/ kWh ngayong Hunyo mula sa ₱14.3345/kWh lamang noong Mayo.
Ayon sa Meralco, ang naturang upward adjustment ay katumbas ng ₱29.76 increase sa bayarin ng mga tahanang kumukonsumo ng 200 kWh kada buwan.
Dagdag pa nito, ang taas-singil ay bunsod ng mas mataas na generation charge, na dulot ng serye ng yellow at red alert sa Luzon grid noong Mayo.
National
