Naitala ang ikalawang pinakamainit na temperatura ng mundo noong Mayo 2026, ayon sa ulat ng European Union's Copernicus Climate Change Service (C3S).
Batay sa datos ng C3S, ang pandaigdigang temperatura noong Mayo 2026 ay umabot sa 1.42 degrees Celsius na mas mataas kumpara sa antas noong panahon bago ang industriyalisasyon noong ika-19 na siglo.
Tanging ang Mayo 2024 lamang ang mas mainit kaysa sa nakalipas na buwan sa mga record na nagsimula pa noong 1940.
Ayon sa mga eksperto, pinagsamang epekto ng climate change at ng papalakas na El Niño phenomenon ang nagtulak sa patuloy na pagtaas ng temperatura sa lupa at karagatan sa iba't ibang bahagi ng mundo.
Matinding init ang naranasan sa Western Europe kung saan nakapagtala ng isa sa pinakamalalalang heatwave na naranasan sa rehiyon sa ganito kaagang bahagi ng taon.
Taran ng KWF, panatag sa epekto ng AI data centers sa mga katutubong wika
Sinabi ng C3S na ang matinding init na naranasan sa Europa ay naaayon sa matagal nang babala ng mga eksperto hinggil sa epekto ng climate change sa kontinente, na itinuturing na pinakamabilis uminit sa buong mundo.
Bukod sa Europa, nakaranas din ng hindi pangkaraniwang mataas na temperatura ang ilang bahagi ng Karagatang Pasipiko habang papalapit ang pagbuo ng El Niño.
Inaasahan ng mga eksperto na lalong lalakas ang epekto ng El Niño sa mga susunod na buwan at maaaring magdulot ng mas matitinding kondisyon ng panahon sa iba't ibang bansa.
Ang El Niño ay isang natural na climate pattern na karaniwang nagaganap kada dalawa hanggang pitong taon. Nangyayari ito kapag humihina ang trade winds sa Karagatang Pasipiko, dahilan upang uminit ang tubig sa silangang bahagi ng karagatan.
Kabilang sa mga matitinding pangyayaring may kaugnayan sa lagay ng panahon noong Mayo ang malawakang pagbaha sa China at Turkey na ikinasawi ng ilang residente.
"At the same time, in recent years, the virus has spread to new regions, including the Arctic, where it can have consequences for vulnerable populations and ecosystems,” Ragnhild Tonnessen ng Norwegian Veterinary Institute
Bagama't tumutukoy ang pahayag sa pagkalat ng avian influenza sa Arctic, ipinunto rin ng mga eksperto na ang pagbabago ng klima ay may malaking papel sa pagdami ng mga environmental at ecological threats sa iba't ibang bahagi ng mundo.
Patuloy namang binabantayan ng mga climate scientist ang pagbuo ng El Niño dahil sa posibilidad nitong magdulot ng panibagong serye ng heatwaves, tagtuyot, pagbaha, at iba pang matitinding weather events sa nalalabing bahagi ng taon.
