Nagpaabot ng pakikiramay ang isa sa mga kilalang fast food chain sa Pilipinas sa mga biktima ng magnitude 7.8 na lindol na tumama sa iba’t ibang probinsya sa Mindanao noong umaga ng Lunes, Hunyo 8.
MAKI-BALITA: PHIVOLCS, itinaas sa magnitude 7.8 ang nangyaring lindol sa Sarangani
“We join our fellow Filipinos in prayer and solidarity following the magnitude 7.8 earthquake that struck Southern Mindanao today, June 8, 2026,” saad ng Jollibee sa inilabas nilang pahayag noon ding Lunes.
Anila pa, sa kasagsagan ng trahedya, prayoridad nila ang kapakanan ng kanilang customers at store team members.
“Our hearts go out to all those affected by this unfortunate event. During this time, the safety of our customers and store team members remain our highest priority,” saad ng Jollibee.
DepEd, iniimbestigahan na pagkasawi ng Grade 3 learner sa Davao City
Sa kasalukuyan, tiniyak ng Jollibee na ligtas ang lahat ng miyembro ng kanilang team sa General Santos at iba pang apektadong lugar.
Samantala, binabantayan ng Jollibee ang sitwasyon sa Mindanao at patuloy na nakikipag-ugnayan sa mga awtoridad para sa mga karagdagang update.
“All Jollibee team members in our General Santos stores have been accounted for and are safe. At this safe, we have received no reports of injuries in our stores located in the affected areas,” saad ng Jollibee.
“We continue to closely monitor the situation and coordinate with the proper authorities to verify all information,” pagtitiyak pa ng fast food chain.
