Inanunsyo ng National Capital Region Police Office (NCRPO) na bumulusok ng 12.9% ang focus crimes na naganap sa Metro Manila mula Mayo 25 hanggang 31.
Batay sa ulat na ibinahagi ng NCRPO kamakailan, kasabay nito ang pagsamsam sa higit ₱6 milyong halaga ng ilegal na droga, pagkumpiska sa mga loose firearms, at pagkakaaresto ng daan-daang suspek mula sa iba’t ibang insidente.
Anang NCRPO, 278 ang nahuli mula sa ilegal na droga, 418 sa “illegal gambling,” at 21 naman sa loose firearms.
Ayon kay NCRPO Regional Director, PMGEN Anthony A. Aberin, tanda raw ang mga numerong ito ng kanilang adhikaing panatilihin ang kaayusan at kapayapaan sa rehiyon.
“These accomplishments demonstrate our unyielding commitment to keeping Metro Manila safe through sustained, intelligence-driven, and highly-coordinated operations,” saad ni Aberin.
Libreng ‘no-scalpel vasectomy,’ isasagawa sa UP ngayong Hunyo
Aniya, “We will not let up. Our units will continue to pursue fugitives, disrupt criminal networks, strip illegal drugs and loose firearms from our streets, and to ensure that police presence is felt, visible, and reassuring to every resident in the metro.”
Samantala, patuloy ding nilang isinasagawa ang “Safer Cities Initiative” na pinasinayaan ng Department of Interior and Local Government (DILG).
