Timbog ang isang lalaking nagpanggap na nakaligtas umano mula sa gumuhong imprastraktura kamakailan sa Balibago, Angeles City.
Matatandaang nag-viral ang lalaki sa social media matapos nitong sabihin na nakaligtas umano siya sa insidente dahil bumibili umano siya ng alak noong mangyari ang pagguho.
Sa Facebook post ng Angeles City Information Office (ACIO) nitong Biyernes, Mayo 29, lumabas sa inisyal na imbestigasyon na nakakuha ng ayuda ang lalaki mula sa Department of Social Welfare and Development (DSWD) noong Mayo 27.
“Suspicion arose after he allegedly attempted to claim additional assistance, prompting authorities to verify his identity and background,” saad ng ACIO.
Dagdag pa nila, “Further investigation conducted by ACPO confirmed that the individual was neither a survivor nor connected to any of the victims of the incident.”
'Di kami matitinag!' Gabriela Women's Party, sinagot indirect contempt case ni Topacio vs. Elago
Bukod dito, natuklasan din ng Angeles City Police Office (ACPO) na hindi residente ang lalaki sa Angeles City. Kalaunan, inamin niyang umimbento lang daw siya ng kuwento.
