Aabot sa ₱6.4 milyong halaga ng umano’y ilegal na droga ang nasabat ng mga awtoridad matapos itong itago sa limang abandoned inbound parcels.
Batay sa ulat na ibinahagi ng Philippine National Police (PNP) noong Huwebes, Mayo 28, nasamsam ang mga kontrabando sa ikinasang interdiction operation ng mga personnel ng Aviation Securiy Unit - National Capital Region—kasama ang Bureau of Customs (BOC) at Philippine Drug Enforcement Agency (PDEA) sa Central Mail Exchange Center (CMEC), Pasay City kamakailan.
Napag-alamang may lamang mga ilegal na droga ang mga parcel matapos dumaan sa x-ray screening at K-9 inspection.
Nasamsam sa mga parcel ang hinihinalang ecstasy, marijuana kush, cocaine, ketamine, at iba pa.
Isinumite na ang mga nasabat na kontrabando sa PDEA upang dumaan sa wastong pagsusuri at disposisyon.
