Nagpaabot ng pagbati si Pangulong Ferdinand “Bongbong” Marcos, Jr. para sa mga kapatid na Muslim bilang bahagi ng pagdiriwang ng Eid'l Adha.
Sa latest Facebook post ng Office of the President, pinagnilayan niya ang kuwento ng propetang si Ibrahim.
Ayon sa Pangulo, paalala umano ang banal na okasyong ito na mas dakila kumpara sa sarili ang pananampalatayang hindi natitinag, ganap na pagtalima kay Allah, at pagtitiwala sa layunin.
“It calls us to look beyond our personal desires and to recognize that the fulfillment is found in obedience, humility, and devotion," saad ni Marcos, Jr.
Dagdag pa niya, “Eid'l Adha carries a timeless message for people of all faiths and backgrounds: that sacrifice when offered with sincerity and love, becomes a source of profound strength. It teaches us that whatever we surrender for what is just and noble is never lost.“
'Bakit kailangang madaliin?' Senate minority bloc, nagpaliwanag bakit nag-walk out!
Sa huli, umaasa ang Pangulo na ang pagdiriwang na ito ay magsilbing inspirasyon upang maglimi nang malalim at mapanumbalik ang mga obligasyon sa mga halagahing nagbubuklod sa bawat isa.
"Let us carry the spirit of Eid'l Adha into our daily lives and after our own acts of generosity in building a more compassionate and inclusive Bagong Pilipinas," pahabol pa niya.
