Inanunsiyo ni Unkabogable Star Vice Ganda na hindi raw siya makakapagtanghal sa comeback concert ni Filipino-American singer Jessica Sanchez na gaganapin sa Araneta Coliseum ngayong Sabado, Mayo 16.
Sa latest Facebook post ni Vice nito ring Sabado, sinabi niyang hindi siya makakadalo sa naturang concert dahil umano sa ilang “unforeseen circumstances.”
Aniya, “Much as I am looking forward to perform in the said concert, I won’t be able to attend and perform due to some unforeseen circumstances.”
“I wish Jessica good luck and my heartfelt congratulations in advance. I sincerely hope to work with her in the future,” dugtong pa ni Vice.
Bukod sa Unkabogable Star, kasama rin sa guest performers sina Gary Valenciano, Martin Nievera, Regine Velasquez, Darren Espanto, Morissette, at James Reid.
Andrea Del Rosario, nagbiro sa mga may pic kasama si Bato: 'Lahat kayo for questioning daw!'
Ang concert ni Jessica ay pagdiriwang para sa kaniyang bagong album na “Szn” at sa tagumpay niya sa season 20 ng America’s Got Talent noong Setyembre 2025.
MAKI-BALITA: Jessica Sanchez, itinanghal bilang champion sa America's Got Talent!
