Isang nakalulungkot na insidente ang ibinahagi ng isang netizen sa social media matapos umano’y bawian ng buhay ang kaniyang lolong gumagamit ng nebulizer, ngunit naapektuhan sa gitna ng rotational brownout na naranasan sa ilang bahagi ng Luzon noong Biyernes, Mayo 15, 2026.

Ayon sa viral facebook post ni Mhike Clerwin, araw-araw umanong gumagamit ng nebulizer ang kaniyang lolo upang maibsan ang hika at hirap nito sa paghinga.

Ngunit dahil sa pagkawala ng suplay ng kuryente bunsod ng ipinatupad na Manual Load Dropping (MLD) ng National Grid Corporation of the Philippines (NGCP), hindi na umano nito naipagpatuloy ang kinakailangang gamutan.

"My lolo passed away after the power went out while he was using a nebulizer, a machine that requires electricity, for his asthma and difficulty breathing," mababasa sa kaniyang post.

"He needed to use the nebulizer every day to help treat his condition. But today (May 15, 2026), he was unable to continue his treatment because of the Manual Load Dropping (MLD) event implemented by the National Grid Corporation of the Philippines."

National

PNP, susunod sa kautusan ng DOJ na ipatupad arrest warrant ng ICC vs Sen. Bato

Ibinahagi ng netizen na hindi niya layuning manisi kundi magbigay ng kamalayan sa publiko hinggil sa kalagayan ng maraming Pilipino, lalo na ng mahihirap at matatanda, na umaasa sa mga kagamitang medikal na gumagamit ng kuryente.

"I am not posting this to blame anyone for what happened, but rather to raise awareness that many poor Filipinos are suffering from illnesses that require electricity-powered medical equipment for their treatment," aniya.

"I hope we can all be more aware that during times like this, especially with this kind of weather and climate, there are elderly people with illnesses who depend on electricity to help manage and treat their conditions," dagdag pa niya.

Umani naman ito ng iba't ibang reaksiyon at komento mula sa mga netizen.

"I'm sorry for your loss condolence bro Filipinos deserves a better government."

"My dad died a decades ago similar to this. Hirap sya huminga pag summer. No. Blame Meralco, Department of Energy Philippines and National Grid Corporation of the Philippines for their incompetence. This is from someone who lost his mother months ago so I know the pain."

"Sorry to hear about your loss, Mhike. I can understand the pain as my MIL who recently passed also required power for her oxygenator, up until her passing."

Kaugnay nito, nakaranas ng rotational brownout sa ilang bahagi ng Luzon nitong mga nakaraang araw matapos magpatupad ng Manual Load Dropping ang NGCP dahil sa manipis na suplay ng kuryente sa Luzon grid.

Ilang planta ng kuryente rin ang sumailalim sa maintenance at nagkaroon ng forced outage, dahilan upang hindi sapat ang reserbang kuryente para matugunan ang mataas na demand.

Nitong Sabado, Mayo 16, inanunsyo ng Department of Energy (DOE) na balik-normal na ang operasyon ng kuryente sa Luzon at Visayas grid matapos ang rotational brownout.

Samantala, wala pang reaksiyon, tugon, o opisyal na pahayag ang Meralco o maging ang NGCP tungkol sa viral post.