Napagdiskitahan ng mga netizen ang guest hosting stint ni Pinoy Big Brother: Celebrity Collab Edition” 2nd Big Placer Ralph De Leon sa coronation night ng Miss Universe Philippines 2026 noong Sabado ng gabi, Mayo 2.
Nakaranas kasi ng technical difficulties si Ralph noong magsasalita na siya para sa event. Hindi niya matuloy-tuloy ang sasabihin. Makailang beses niyang inulit ang kaniyang intro.
“Tonight,” sabi ni Ralph, “we have witnessed Filipinas who have stepped into their power and owned their own story…Tonight we have witnessed Filip—”
Bagama’t dinig ang boses niya sa live telecast, hindi naman siya marinig ng mga audience sa loob ng SM Mall of Asia Arena.
Kaya sa Facebook post ng social media personality na si Senyora noon ding Sabado, biniro niya si Ralph.
'Call me mangga!' MUPH 2026 Bea Windorski, dedma sa mga memang okray sa korte ng baba niya
“I think hindi kaya tonight… tomorrow na lang,” saad sa caption ng post kung saan kasama ang picture ng dating PBB housemate.
Komento naman ni Ralph, “Senyora di naman tayo umabot ng tomorrow ”
Umani naman ng samu’t saring reaksiyon mula sa mga netizen ang naturang post. Narito ang ilan sa kanilang hanash:
"Pero infairness kay Ralph, nakaya nya TONIGHT "
"hindi po kasalanan ni ralph"
"Pero grabe ang poise ni Ralph! Super cute pa din sa recovery nya! "
"For context, hindi sya kabado or nagbuckle or what.. his microphone was not on sa MOA Arena, so you may hear him sa mga nanonood online but in MOA Arena, his microphone was not working so it had to be replaced several times, until the 4th time saka nagwork yung microphone nya."
"Laro talaga haha buti galing niya mag save tonight "
"so, nakailang tonight? sino nagbilang?"
Gayunman, naitawid pa rin naman ni Ralph ang kaniyang sasabihin matapos maayos ang technical difficulties.
