‘He or she?’ Kamara nagka-tensyon matapos matawag na ‘her’ si Rep. Marcoleta-Balita

‘He or she?’ Kamara nagka-tensyon matapos matawag na ‘her’ si Rep. Marcoleta

By Vincent Gutierrez

April 29, 2026

In BALITA

Tila nagkaroon ng maliit na tensyon sa loob ng House Committee on Justice nitong Miyerkules, Abril 29, habang isinasagawa ang impeachment proceedings laban kay Vice President Sara Duterte.

Sa gitna kasi ng pagdinig, maririnig na tila paulit-ulit na nagamit ni House justice panel chief at Batangas Rep. Gerville Luistro kay SAGIP Party-list Rep. Paolo Marcoleta ang panghalip na “her,” na ginagamit para sa mga kababaihan.

“Can we call Honorable Marcoleta first? Honorable Marcoleta is a non-member of Justice Committee but of course, we recognize her opportunity to manifest her position as well,” saad ni Luistro.

Bigla namang tinawag ni Manila 6th District Rep. Benny Abante ang atensyon ng lahat, sabay itinanong kung “he” ba o “she” si Marcoleta.

“He is he, I stand corrected,” sagot ni Luistro.

Buwelta naman ni Marcoleta, hindi siya sigurado kung mahalaga ba ang isyung iyon sa naturang pagdinig.

“Thank you for that clarification, Bishop Benny Abante. Ewan ko, is that germane to this hearing?” anang Marcoleta.

Matapos nito, inihayag ni Marcoleta na hindi niya pipigilan ang komite na buksan ang kahong mula sa Bureau of Internal Revenue (BIR) na naglalaman ng tax records ng Bise Presidente, basta’t walang malalabag na anumang umiiral na batas.

“You may go ahead and open it all you want,” saad niya.

Nag-mosyon naman si Deputy Majority Leader Rodge Gutierrez na i-strike from the record ang usapin tungkol sa panghalip na nagamit kay Marcoleta, sapagkat aniya hindi raw ito mahalaga sa pagdinig.

Sinundan naman ito ni FPJ Party-list Rep. Brian Poe na humiling na sana ay huwag daw gamitan ng “pop culture references” ang mga manipestasyon sa pagdinig, dahil ito raw ay isang seryosong bagay.

"Kung puwede, if we can refrain from using pop culture references in our manifestations and statements. This is a serious matter, this is the impeachment of the second-highest official in our government and I believe it should be treated with the same amount of respect and gravity," anang Poe.

Giit ni Matibag: NBI ang inaatake, hindi Senado!

Sinopla ni National Bureau of Investigation (NBI) Director Atty. Melvin Matibag ang kumakalat na espekulasyon na inatake umano ng mga ahente niya ang Senado noong Mayo 13. Sa ginanap na monthly balitaan forum ng Manila City Hall Reporters' Association (MACHRA) nitong Martes, Mayo 19, binigyang-diin ni Matibag na walang mga tauhan ng NBI na pumasok sa loob ng Mataas na Kapulungan. “Wala...

Ombudsman, hinihingi listahan ng media personnel na nasa Senado noong Mayo 13-14!

Hinihingi ng Office of the Ombudsman ang listahan ng media personnel na nasa Senado noong Mayo 13-14 2026 kaugnay sa naganap na putukan sa gusali. Bukod sa mga pangalan ng media personnel, hinihingi rin nitong Martes, Mayo 19, ang logbook entries nila para sa fact-finding investigation ng Ombudsman. Matatandaang nagulantang mga media at publiko sa biglang umalingawngaw na mga putok ng baril sa...

'Ang layo!' SP Allan, sinagot kung handa rin niyang protektahan si Sen. Jinggoy tulad kay Sen. Bato

Pahapyaw lang ang naging tugon ni Senate President Alan Peter Cayetano hinggil sa posibilidad na maaresto sa Senado si Sen. Jinggoy Estrada dahil sa nakaambang plunder case. Sa ambush interview ng media kay Cayetano nitong Lunes, Mayo 18, 2026, natanong siya kung nakahanda rin niyang protektahan si Estrada, katulad nang naging pagprotekta niya noon kay Sen. Ronald “Bato” dela Rosa laban sa...