Ibinuking ni Queen of All Media Kris Aquino ang anak niyang si Bimby tungkol sa babaeng nagugustuhan umano nito.
Sa latest Instagram post ni Kris noong Sabado, Abril 18, sinabi niyang hindi raw niya akalaing magiging excited siya sa pagdating ng araw na magkakaroon na ng babaeng gugustuhin ang bunso niya.
“I never thought I’d be excited for the day when Bimb really likes a girl. He told me he feels she’s ‘special’ - my birthday wish for my bunso is that she does become his first girlfriend and who knows, God willing, also his last- yes, I’ll be very blessed to have her for my daughter-in-law (in 7-9 years?),” saad ni Kris.
Ayon sa Queen of All Media, marami na umanong naisakripisyo si Bimby para maalagaan siya. Kaya naman ang pinakamagandang maireregalo umano niya sa anak ay hayaang maging masaya ang kabataan nito.
“The best gift I can give him is to let him enjoy his youth,” sabi ni Kris, “and let him choose his own career path. My deal with him is he just has to give his 100%.”
Matatandaang minsan na ring ibinuking ng malapit na kaibigan ni Kris na si Darla Sauler ang crush ni Bimby sa isang vlog noong Setyembre 2024.
