Matapang na tinanggap ng nagpakilalang “bagman” at “aide” umano noon ni Vice President Sara Duterte na si Ramil Madriaga ang hamon sa kaniya ni Davao City Mayor Sebastian “Baste” Duterte na suntukan.
Kaugnay nito ang inilahad ni Madriaga sa kaniyang isinalaysay na affidavit sa pagdinig ng House Committee on Justice noong Abril 14, 2026, na natawag umano ni dating Pangulong Rodrigo Duterte ang kaniyang anak na si Mayor Baste bilang “bading.”
“Furthermore, PRRD also asked me to profile individuals associated with Sara because she is his favorite among his children. PRRD wanted Sara in politics instead of Paolo Duterte (‘Polong’) and Sebastian Duterte (‘Baste’) who he characterized as ‘baliw’ and ‘bading’, respectively,” saad ni Madriaga sa ika-13 na paragraph ng kaniyang affidavit.
Tila hindi naman ito nagustuhan ni Mayor Baste at hinamon niya noon ding Abril 14 si Madriaga.
Aniya pa, kahit imbitahan pa raw ni Madriaga sina MMDA General Manager Nicolas Torre III at President Ferdinand “Bongbong” Marcos, Jr.
PNP, susunod sa kautusan ng DOJ na ipatupad arrest warrant ng ICC vs Sen. Bato
Ayon naman sa isinulat na liham ni Madriaga at inilabas na kaniyang abogado nitong Biyernes, Abril 17, sinabi niyang isang karangalan daw na hamunin siya ni Mayor Baste ng suntukan.
“Mayor Baste Duterte, I’m so honored to be challenged by a former presidential son into a fist fight,” pagsisimula niya.
Giit naman niya, “Sir, I am now deprived of my liberty. I am helpless and I am already 58 years old. Please try to challenge someone of your age and height.”
Sa kabila nito, sinabi ni Madriaga na tinatanggap niya ang hamon ni Mayor Baste kung mapapawalang-sala siya sa kasong kinakaharap niya ngayon.
“Nevertheless, out of my respect to you, I will accept your challenge if I will be given grace to be exonerated of the case I am facing right now,” aniya.
Pagpapatuloy niya, handa rin umano siyang makipagpalitan ng suntok, sipa, siko, uppercut, headbutt, at iba pa kay Mayor Baste kung ito na ang personal na makakapasok sa Annex 2, Camp Bagong Diwa kung saan siya kasalukuyang nakakulong.
“It is an honor to exchange blows with you. However, if you find your way here in Annex 2, Camp Bagong Diwa, I will accommodate your request and trade punches/ kick/ elbows/ backhand/ roundhouse/ uppercuts and headbutts, even,” diin niya.
Pagwawasto pa ni Madriaga, si FPRRD naman daw ang nagsabing isa siyang “bading” base sa kaniyang binasang affidavit.
“By the way, it’s your father who said that, not me. Since I am sincerely a believer of your father, I believe him that you’re indeed what he said of you,” pagtatapos niya.
Samantala, habang sinusulat ito, wala pa namang inilalabas na bagong pahayag, reaksyon, o tugon si Mayor Baste kaugnay rito.
KAUGNAY NA BALITA: Torre, kumasa sa hamong suntukan kay VM Baste; inaya ng 12 rounds sa Araneta!
KAUGNAY NA BALITA: Torre, nag-eensayo na para sa suntukan nila ni Baste
