Nilinaw ng Philippine Institute of Volcanology and Seismology (Phivolcs) na walang naitalang anumang aktibidad sa Hibok-Hibok Volcano sa Camiguin, kasunod ng kumakalat na maling impormasyon tungkol umano sa pagputok nito.
Sa isang pahayag, sinabi ng ahensya, "Fake news ang kumakalat na post tungkol sa pagputok ng Hibok-Hibok Volcano sa Camiguin Island."
Dagdag pa nito, "Huwag maniwala o magbahagi ng impormasyon na hindi nagmula sa DOST-PHIVOLCS. Ito ay maaaring magdulot ng pagkalito at pagkatakot sa mga makabasa nito."
Ayon sa PHIVOLCS, nananatili sa Alert Level 0 ang Hibok-Hibok, na nangangahulugang walang kasalukuyang banta o naitatalang volcanic activity sa lugar.
Habang nananatiling tahimik ang Hibok-Hibok, may ilang bulkan sa bansa na patuloy na mino-monitor dahil sa umiiral na aktibidad:
Lalaking tinakbuhan mga nanggugulpi sa kaniya, patay matapos bumangga sa poste!
• Mayon Volcano
Nasa mataas na alerto sa mga nakaraang panahon dahil sa lava flow, rockfall, at degassing activity. Kilala sa madalas na unrest.
• Taal Volcano
Patuloy ang pagbuga ng volcanic gases at pag-init ng crater lake, na nagdudulot ng periodic na pagtaas ng alert level.
• Kanlaon Volcano
May naitatalang phreatic eruptions at pagbuga ng abo, dahilan upang manatiling binabantayan.
• Bulusan Volcano
Nakakaranas ng mga steam-driven explosions at ash emissions sa iba’t ibang panahon.
Patuloy na pinapaalalahanan ng PHIVOLCS ang publiko na umasa lamang sa opisyal na anunsyo ng ahensya para sa tamang impormasyon hinggil sa kalagayan ng mga bulkan sa bansa.
